Мамлакатимиз Савдо-саноат палатаси раисининг биринчи ўринбосари бошчилигидаги Ўзбекистон делегацияси Грециянинг Салоники шаҳрида бўлиб ўтган AGROTICA-2018 Қишлоқ хўжалиги техникалари, ускуна ва материаллари халқаро кўргазмасида қатнашди.
Шуни қайд этиш жоизки, 1926 йилдан буён фаолият кўрсатиб келаётган ушбу кўп тармоқли ярмарка бугунги кунда Грециядаги энг йирик кўргазма ҳисобланади. У 13 та ихтисослашган бўлимдан иборат.
Ўзбекистон компаниялари мазкур халқаро тадбирнинг 8 та ихтисослашган аграр сектори ишида қатнашди. Уларнинг доирасида Греция компаниялари вакиллари билан B2B шаклидаги учрашувлар ташкил этилди. Шунингдек, кўргазма доирасида бўлиб ўтган давра суҳбати чоғида ҳам Грециянинг йирик агросаноат уюшмалари раҳбарлари билан ўзаро ҳамкорлик истиқболлари муҳокама этилди.
Юқоридагилардан ташқари, мамлакатимиз делегациясининг сафари чоғида Салоники Савдо-саноат палатаси, Кўргазмалар, конгресс ва маданий тадбирлар ташкил этиш бўйича миллий институт (HELEXPO), Агротехника, ўғит, иссиқхона мажмуалари ишлаб чиқарувчилари ассоциациясида ҳам музокаралар ўтказилди.
Бўлиб ўтган учрашувлар якуни бўйича агросаноат мажмуига илғор инновация технологияларини жалб этган ҳолда ўзаро ҳамкорлик ўрнатиш ва қўшма лойиҳаларни ҳаётга тадбиқ этиш бўйича келишувларга эришилди.
Манба: «Жахон» АА
The following two tabs change content below.
Ravshan Vafoev
Latest posts by Ravshan Vafoev (see all)
- «ADVANTEX» MChJ kompaniyasining Samarqand shahrida filialining ochilishi! - Yanvar 5, 2021
- ITMA 2019 ga xush kelibsiz! - Iyun 17, 2019
- Optibelt remenlari Toshkentda! - Aprel 24, 2019